Dulimbay Theater Arts Guild

Dulimbay Theater Arts Guild 

        Usa ang Dulimbay Theater Arts Guild sa naghatag ug dakong pagpaila sa Caraga State University. Usa sila ka grupo sa mga estudyanteng mananayaw ug dili lamang mga modernong sayaw kundi pati napud cultural dances.

         Tungod sa ilang pagsayaw sa nagka laing-laing lugar ug institusyon dala ang pangalan sa Caraga State University nagahatag sila ug dakong karangalan ug pagpaila sa maong unibersidad. Sa bisag asa sila muabot nga lugar, sila mu uli nga madaugon.

      

         Usa sa ebidensiya ani ang pagka daog sa MASTS 201 (Mindanao Association of State Tertiary Schools) nga nahitabo sa Cantilan, Surigao.

Duimbay Theater Arts Guild suot ang ilang mga medalya

  Gi ilugan sa 18 ka unibersidad ang titulo ug nakab-ot sa Dulimbay ang kadaugan sa kategoryang Indigenous Dance.

       

        

       Ang pinakaunang tumong aning grupoha mao ang mai-promote ug ma preserba ang dakong halad gikan sa atong kultura nga ginapakita pinaagi  sa pagtuon ug pagsayaw sa mga cultural dances.

         Ang DTAG gipanghawiran sa ilang Culture and Arts Director nga si Mr Adam Roy Galolo ug ilang Movement Director nga si Mr. Oscar Jose Fajardo . Sila uban lamang sa mga taong nagtabang ug hulma sa talento sa mga estudyante pina agi sa pagbuhat ug paghatag sa mga miyembro ug workshop. 

Mr. Oscar Jose Fajardo sa wala naka-itom ug sinena. Mr. Adam roy Galolo ang nasa tunga
naka gray nga polo.

           Ako usa ka miyembro sa Dulimbay Theater Arts Guild sugod pa lamang pag tungtong nako ug college. Tungod sa pag apil nako aning grupoha nakakat-on ko ug tarong matod sa kung unsay naa sa mga cultural nga sayaw. Naka ila usab ako ug mga taong gituring na nako nga kaduha nga pamilya. Nakahatag sako ug kalipay ang DTAG sa pama agi nga mas nagamit ug mas nitaas akong kaalam sa pagsayaw. Nagamit nako ug tarong akong talento tungod sa pag apil nako aning grupoha.